I dag vil eg gjere merksam på to særleg interessante oppslag frå gårsdagen. Det eine er frå New York Times (papirversjon 6. mars, nettversjon dagen før). Artikkelen gjev ei kortfatta, men presis, oppsummering av saka. Mot slutten kjem pappa Norman Golb, mannen bak teoriane som sonen visstnok skal ha støtta på uortodokse måtar, med følgjande bitre utsegner:
Reached at his office in Chicago on Thursday afternoon, Professor Golb said he was shocked at the allegations leveled against his son, who is a real estate lawyer and has a Ph.D in comparative literature from Harvard.Jamfør liknande utsegner i Chicago Tribune: "'This has everything to do with the politics of the scrolls,' said Norman Golb, who declined to elaborate." Dette kan ikkje stå uimotsagt, eg skal kommentere seinare i posten.
"My son is an honorable person," Professor Golb said. "He could not have done such a thing."
Professor Golb said that opposing scholars had tried to quash his views over the years through tactics like barring him from Dead Sea Scrolls exhibitions. He said he saw the criminal charges as another attack on his work.
"Don't you see how there was kind of a setup?" he said. "This was to hit me harder."
Det andre oppslaget er eit intervju med Risa Levitt Kohn i National Post (Toronto). Ho er kurator for den store Qumran-utstillinga som har vore vist i San Diego, California. Til sommaren har ho ansvar for ei liknande utstilling i Toronto, Canada. Ho har vore kraftig kritisert av Norman Golb for å leggje til grunn for utstillinga ein bestemt teori om opphavet til Qumran-biblioteket. Utsegnene hennar er sjølvsagt eit partsinnlegg, men dei er haldne på eit sakleg nivå og speglar etter mi meining den aktuelle kontroversen på ein god måte. Lesaren må ta med i vurderinga at eg sjølv representerer det rådande majoritetssynet på desse spørsmåla.
Attende til Golb i NYT [klikk på "Les meir" for å sjå resten]:
Det er forståeleg at ein far reagerer med vantru når sonen hans blir råka av eit så alvorleg klagemål. Realiteten i dette er no ei politisak, vi andre får vakte oss for førehandsdømming.
Men konspirasjonsteoriane Golb set fram må avvisast blankt. Som det går fram av intervjuet med Kohn, av utsegnene til Lawrence Schiffman i same NYT-oppslaget, og av kommentaren til Jim West (Update IV og VII): Folk har høyrt teoriane til Golb, teke dei alvorleg, drøfta dei og forkasta dei.
Eg har høyrt Golb ein einaste gong, på ein stor internasjonal Qumran-kongress i 1997 i samband med femtiårsjubileet for funna. Konferansen varte ei heil veke, og den samla alt som kunne krype og gå av Qumran-spesialistar frå heile verda, religiøse og ikkje-religiøse, jødar, kristne, mormonarar, ateistar. Qumran-biblioteket blei drøfta frå alle moglege synsvinklar, av filologar, arkeologar, religionshistorikarar, teologar og naturvitarar (mellom anna var det ein svært interessant presentasjon om DNA-analyse av skinnet rullane er skrivne på). Det var skarpe debattar og stor usemje, som vanleg er i akademia. Alle fekk kome til orde.
Mot slutten av konferansen kom Norman Golb til orde. Da rulla TV-kamera og prosjektørar inn i auditoriet. Det var den einaste gongen under heile kongressen. Golb har vore flink til å få merksemd om teoriane sine, ikkje berre i akademia, men jamvel i det store offentlege rommet. Det er ikkje fritt for at han har spela på "den einsame rytter"-klisjeen, sanningsapostelen i kamp mot resten av verda.
Dette er noko av bakgrunnen for dei skarpe reaksjonane frå forskarhald i denne saka. Eit av klagemåla mot Raphael Golb er at han skal ha spreidd epostar og innlegg på Internett under ymse namn og på den måten gjeve inntrykk av at farens teoriar har brei støtte. Om dette er kriminelt eller berre moralsk forkasteleg, kan ein diskutere. Det som blir etterforska er vel ein mistanke om regelrett identitetstjuveri.
Oppdatering, same dag:
Også frå Chicago Tribune 6. mars:
Raphael Golb's attorney, Irena Milos, declined to comment Friday. In criminal court for his arraignment Friday, Golb did not enter a plea and was not required to do so. He was released on his own recognizance.Son Raphael slepp altså varetektsfengsling, om eg forstår den juridiske engelsken rett.
A spokeswoman for the district attorney's office said the investigation is ongoing but would not comment on whether Norman Golb is under investigation.
